வேண்டல்

வளர்ந்தும் தேய்ந்தும்,
திரும்ப வளர்ந்தும்
சிறுபிள்ளைகளாயிருந்து பெரியவராகி - பின்
கிழடு தட்டியதும் மீண்டும் சிறுபிள்ளையாவது போல்
நாள் தோறும் நீட்சியும் குறுக்கலும்.

மீள்தன்மை எங்கிருந்து வருகிறதோ
காலம் தந்த தோலில்.

தேய்ந்தால் வளராமல்
வளர்ந்தால் தேயாமல்
இவைதான் இல்லாவிட்டாலும்,
இழுபட்டதின் அடையாளமாய்
கோடுகளாவது கோலம் போட்டு நிற்கக் கேட்கும் நிழல்.