நாள்

வழி நெடுகலும்
வழிந்தோடும் வியர்வையின் வாசம்
குருதி வீச்சோடு
சேரும் நல்முகூர்த்தம் சொல்ல
மனித உருவில் யமன் வருவான்
அச்சப்பட்டாலும் எச்சமிட்டாலும்
பலன் ஒன்றுதான்
பல்லி பட்டால் பலன் சொல்லும் பஞ்சாங்கத்தில்
சன்னம் உடலில் பட்டால்
என்னவென்று எழுதவில்லை

முடிச்சவிழ்ந்து கட்டினதெல்லாம்
நடுத்தெருவில் சிதறும்
அவசரமாய்ப் பொறுக்குவதில்
சுதந்திரமோ
நிம்மதியோ இல்லை.
நீள்கின்ற தெருவும்
அதை விடவும் நீளமான இரவும்
கருமை படர்விக்கும்.
சாலையின் குண்டும் குழியும் போல மனது